आतंकवादी समूहलाई सहयोग नगर्न पाकिस्तान सरकारलाई चेतावनी

७ असार २०७६, शनिबार १८:५३

वासिङटन : पाकिस्तान आतंकवादी गुटहरुलाई सहायता रोक्ने काममा सक्षम नरहेको भन्दै फाइनान्सियल एक्सन टास्क फोर्स (एफटिएफ)ले आपत्ति जनाएको छ ।

साथै पाकिस्तानलाई अक्टोबरसम्म आफ्नो प्रतिवद्धता पूरा नगरे त्यसको नतिजाको सामना गर्नुपर्ने भन्दै एफटिएफले चेतावनी समेत दिएको छ । पाकिस्तान पहिलेदेखि नै ग्रे लिस्टमा रहेको उल्लेख गर्दै यस्तो प्रतिवद्धता पालना नगरे ब्ल्याक लिस्टमा राख्ने पनि उक्त संस्थाको चेतावनी छ ।

आतंकवादी सहायता तथा मुद्रा अपचलनमा निगरानीको काम गर्ने एफटिएफ फ्रान्समा सञ्चालित एक अन्तर्राष्ट्रिय निकाय हो । शुक्रबार प्mलोरिडामा भएको बैठकमा उक्त संस्थाले पाकिस्तानको गतिविधिमाथि प्रश्न उठाएको हो ।

एफटिएफले पाकिस्तानले आतंकवादी सहायतामा जे जस्तो गतिविधि गरेको छ, कुनै पनि प्रष्ट नभएको बताएको छ । पाकिस्तान सरकारले भने आफूहरु समयसीमाभित्रै एक्सन प्लान पूरा गर्ने कोसिस गरिरहेको बताएको छ ।

साभार: एजेन्सी /अन्नपूर्ण पोष्ट


यसमा तपाइको मत

Your email address will not be published. Required fields are marked *


*